اسلام آباد (نیوز ڈیسک)پنجاب حکومت نے مارکیٹوں کو رات 8 بجے بند کرنے کی تجویز کو مسترد کرتے ہوئے فی الحال انہیں رات 10 بجے تک کھلا رکھنے کا فیصلہ برقرار رکھا ہے۔
ذرائع کے مطابق وزیراعلیٰ مریم نواز کو پیش کی گئی سفارشات منظور نہیں کی گئیں، کیونکہ حکومت کا مؤقف ہے کہ موجودہ حالات میں تاجروں پر مزید معاشی بوجھ ڈالنا مناسب نہیں۔ اسی وجہ سے دکانیں جلد بند کرنے کی تجویز کو وقتی طور پر روک دیا گیا ہے۔تاہم مارکیٹوں کے اوقات کار میں ممکنہ تبدیلی کے معاملے پر مزید غور و خوض جاری رکھنے کا فیصلہ کیا گیا ہے، اور حتمی فیصلہ تاجروں سے مشاورت کے بعد ہی کیا جائے گا۔دوسری جانب حکومت نے کفایت شعاری پالیسی پر سختی سے عملدرآمد کی ہدایت دیتے ہوئے کہا ہے کہ اس حوالے سے آئندہ اجلاس میں مزید اقدامات پر غور کیا جائے گا۔
