کراچی (نیوزڈیسک) روپے پر ڈالر کے وار جاری ہیں جس کے باعث مہنگائی کا جن بوتل سے باہر آسکتا ہے ۔ حکومتی اعداد و شمار کہتے ہیں کہ مہنگائی کی شرح کم ترین سطح 2 فیصد سے کم ہے ۔ زرمبادلہ کے ذخائر تاریخ کی بلند ترین 19 ارب ڈالرسے زائد ہیں ۔ اور تو اور عالمی مالیاتی ادارے بھی سب اچھا ہے کی گردان لگائے دکھائی دیتے ہیں مگر ہوشیار، خبردار ، عوام کے لئے ہے بری خبر ۔ ڈالر نے شروع کر دیئے ہیں وار اور اب ہونگے عوام شکار ۔ پیٹرول، ڈیزل، یا ہو کھانے کا تیل ، رکشا ٹیکسی یا ہو ریل ، سب کچھ مہنگا ہوسکتا ہے ۔ روپیہ قدر کھورہا ہے ، ڈالر مضبوط ہورہا ہے جس کے باعث مہنگائی کا جن بے قابو ہو رہا ہے ۔ ہو جائیں گی سب کی جیبیں ڈھیلی کیونکہ ڈالر کی قدر میں اضافے سے درآمدی بل میں ہوش ربا اضافہ ہوجائے گا ۔ ڈالر مہنگا ہونے سے بیرون قرض میں 84 ارب روپے کا اضافہ ہوگیا ۔
اس وقت انٹربینک مارکیٹ میں ڈالر 56 پیسے اضافے سے 105 روپے 80 پیسے کا ہوگیا ۔ دوسری جانب عوام کو ڈالر 105 روپے 60 پیسے کے قریب مل رہا ہے