مقبوضہ بیت المقدس(نیوز ڈیسک)مقبوضہ مغربی کنارے میں اسرائیلی فوج کی فائرنگ سے مزید 3 فلسطینی جاں بحق ہو گئے ہیں۔رواں ماہ فورسز کی فائرنگ سے شہید ہونے والے فلسطینیوں کی تعداد 59ہوگئی ہے۔فلسطینیوں اور اسرائیلی سیکیورٹی فورسز کے درمیان جھڑپوں کا سلسلہ جاری ہے۔ مقبوضہ مغربی کنارے میں اسرائیلی فوج کی تازہ کارروائی میں دو نوجوان سمیت 3فلسطینی جاں بحق ہو گئے ہیں۔اسرائیلی فوج نے چاقو سے حملہ کرکے ایک اہلکار کو زخمی کرنے کے الزام میں فائرنگ کرکے تینوں فلسطینیوں کو موت کے گھاٹ اتار دیا۔ حکام کے مطابق رواں ماہ اسرائیلی سیکیورٹی فورسز کی فائرنگ سے جاں بحق ہونے والے فلسطینیوں کی تعداد 59ہو گئی ہے۔ جبکہ سیکڑوں فلسطینی زخمی ہیں۔