اسلا م آباد (نیوز ڈیسک)مشہور یوٹیوبر ڈکی بھائی کی رہائی کے بعد اُن کی اہلیہ عروب جتوئی نے پہلی بار خاموشی توڑتے ہوئے ردِعمل دیا ہے۔ انہوں نے اپنی انسٹاگرام اسٹوری میں بتایا کہ سعد عرف ڈکی بھائی اس وقت سوشل میڈیا سے دوری اختیار کیے ہوئے ہیں۔ رہائی کے بعد نہ انہوں نے کوئی نئی ویڈیو بنائی ہے اور نہ ہی کسی کے ساتھ کوئی تصویر کھنچوائی ہے۔
عروب جتوئی نے مداحوں سے اپیل کی کہ وہ بے بنیاد باتوں یا غیر مصدقہ خبروں پر اعتماد نہ کریں اور کسی غلط فہمی میں مبتلا ہونے سے گریز کریں۔ ان کا کہنا تھا کہ ڈکی بھائی جلد دوبارہ سوشل میڈیا پر نظر آئیں گے اور پہلے سے زیادہ مضبوط انداز میں اپنی سرگرمیاں شروع کریں گے۔یاد رہے کہ ڈکی بھائی پر مبینہ طور پر جوئے سے متعلق ایپس کی تشہیر کا الزام تھا اور وہ اسی سلسلے میں مقدمات کا سامنا کرنے کے بعد تقریباً تین ماہ قید رہنے کے بعد دو روز قبل ضمانت پر رہا ہوئے ہیں۔
