اسلا م آباد (نیوز ڈیسک) سینئر صحافی نجم سیٹھی نے انکشاف کیا ہے کہ 9 مئی کے واقعات کے دوران آرمی چیف ملک سے باہر تھے اور اسی دوران مبینہ طور پر چیئرمین جوائنٹ چیفس آف اسٹاف کو اقتدار سنبھالنے کی پیشکش کی گئی تھی۔دنیا نیوز کے پروگرام میں گفتگو کرتے ہوئے نجم سیٹھی کا کہنا تھا کہ اس وقت یہ بات سامنے آئی کہ جب آرمی چیف بیرونِ ملک تھے تو کچھ حلقوں کی جانب سے چیئرمین جوائنٹ چیفس آف اسٹاف سے رابطہ کیا گیا اور کہا گیا کہ ’’وہ یہاں موجود ہیں، لہٰذا وہ صورتحال کا کنٹرول سنبھال لیں، انہیں مکمل حمایت فراہم کی جائے گی۔

‘‘انہوں نے مزید کہا کہ خدشہ ظاہر کیا جا رہا ہے کہ کہیں دوبارہ ایسی کوئی کشیدہ صورتحال پیدا نہ ہو جائے اور پی ٹی آئی کی جانب سے پھر کسی قسم کی گڑبڑ کی کوشش نہ کی جائے، اسی لیے اس ماہ کے دوران ہونے والی ملاقاتوں کو روکنے کا فیصلہ کیا گیا تاکہ مبینہ طور پر عمران خان کی جانب سے باہر کوئی ہدایات نہ پہنچ سکیں۔