کراچی — اداکارہ درفشاں نے اپنی ایک پینٹنگ کی قیمت ایک کروڑ روپے بتا کر سب کو حیران کر دیا۔سوشل میڈیا پر ایک ویڈیو وائرل ہو رہی ہے جس میں اداکارہ درفشاں اپنی پینٹنگ مداحوں کو دکھا رہی ہیں۔ یہ پینٹنگ کینوس پر ترچھی لکیر سے مزین ہے۔ ویڈیو میں دانش نواز نے اس ترچھی لکیر پر سوال کرتے ہوئے اداکارہ سے ہلکے پھلکے انداز میں مذاق کیا۔
اس پر درفشاں نے بتایا کہ اس پینٹنگ کی قیمت ایک کروڑ روپے ہے، جس پر دانش نواز بھی حیران رہ گئے۔ اداکارہ نے مزید کہا کہ “آرٹ واقعی ایسے ہی بکتا ہے”۔ویڈیو وائرل ہونے کے بعد سوشل میڈیا صارفین نے بھی دانش نواز کی طرح حیرت کا اظہار کیا اور اس پر اپنے ردعمل کا اظہار کیا۔
