دبئی(این این آئی)ایشیا کپ ٹی ٹوئنٹی 2025میں پاک بھارت میچ کو دوران پاکستانی اوپنر فخر زمان کو آؤٹ دئیے جانے کے فیصلے پر سوالات اٹھنے لگے۔پاکستان کے پہلے آؤٹ ہونے والے کھلاڑی فخر زمان تھے جو 15رنز بنا کر 21کے مجموعی اسکور پر آؤٹ ہوئے، ان کی وکٹ ہاردک پانڈیا نے لی۔فخر زمان کو آؤٹ دینے پر سوشل میڈیا پر بحث چھڑ گئی اور صارفین نے فیصلے کو متنازع قرار دے دیا۔ہاردک پانڈیا کی بول پر فخر زمان کے آؤٹ ہونے کا فیصلہ فیلڈ امپائرز سے تھرڈ امپائر کی بھیجا، ایکشن ری پلے دیکھنے پر یہ واضح نظر آیا کہ گیند زمین پر لگنے کے بعد وکٹ کیپر کے ہاتھ میں آئی تاہم تھرڈ امپائر نے فخر زمان کو آؤٹ قرار دیا۔

تھرڈ امپائر کے اس فیصلے پر فخر زمان نے بھی حیرت کا اظہار کیا، جبکہ کمنٹیٹرز بھی اس فیصلے پر حیرانی کا اظہار کرتے رہے۔قومی ٹیم کے سابق کھلاڑیوں نے بھی فخر زمان کے حق میں رائے دیتے ہوئے انہیں ناٹ آؤٹ قرار دیا۔ فاسٹ بولر محمد عامر نے سماجی رابطے کے پلیٹ فارم ایکس پر کہا کہ فخر زمان آؤٹ نہیں تھے۔ایکس پر پوسٹ فواد عالم نے لکھا کہ ایسا لگتا ہے ہم 11کے بجائے 14کھلاڑیوں کے خلاف کھیل رہے ہیں، فخر زمان واضح طور ناٹ آؤٹ تھے۔