اسلام آباد (نیوز ڈیسک) پاکستان کے معروف بیٹر اعظم خان نے اپنی جسمانی تبدیلی سے متعلق سوشل میڈیا پر گردش کرنے والی تصویر کی حقیقت واضح کر دی ہے۔حال ہی میں ایک تصویر تیزی سے وائرل ہوئی جس میں دعویٰ کیا گیا کہ اعظم خان نے محض دو ماہ میں 69 کلو وزن کم کر لیا ہے۔ اس تصویر پر سوشل میڈیا صارفین نے شدید ردعمل کا اظہار کیا، کچھ نے ان کی محنت کو سراہا جبکہ دیگر نے اس دعوے پر شک کا اظہار کیا۔اعظم خان نے اس تصویر سے متعلق وضاحت دیتے ہوئے اپنے انسٹاگرام اکاؤنٹ پر پوسٹ کی اور لکھا: “کام جاری ہے، لیکن یہ تصویر 2020 کی ہے”۔

اس وضاحت کے ذریعے انہوں نے واضح کر دیا کہ جس تصویر کو حالیہ قرار دیا جا رہا ہے، وہ درحقیقت پرانی ہے۔یاد رہے کہ اعظم خان ماضی میں بھی اپنی فٹنس پر خاص توجہ دیتے رہے ہیں۔ سال 2021 میں یہ رپورٹ سامنے آئی تھی کہ وہ قومی سطح پر کھیلنے کے تقاضوں کو پورا کرنے کے لیے پہلے ہی 30 کلو وزن کم کر چکے ہیں۔ایک سابقہ انٹرویو میں اعظم خان نے کہا تھا کہ اگرچہ وہ اپنی جسمانی ساخت کو مکمل طور پر تبدیل نہیں کر سکتے، لیکن ان کی کوشش ہے کہ وہ اپنی فٹنس بہتر بنائیں اور میدان میں عمدہ کارکردگی کا مظاہرہ کریں۔