لاہور (این این آئی) وزیراعلیٰ ای ٹیکسی منصوبے کا آغاز اگست میں ہو گا، محکمہ ٹرانسپورٹ نے ورکنگ مکمل کر لی۔درخواستوں کی آن لائن وصولی کے لئے پی آئی ٹی بی کے تعاون سے پورٹل کی تیاری جاری ہے، خواتین کیلئے سکیم میں 30ای ٹیکسیوں کا کوٹہ مختص ہو گا۔
وزیرٹرانسپورٹ بلال اکبر کے مطابق بلاسود آسان اقساط پر ای ٹیکسیوں کی فراہمی کے لئے نو کمپنیوں کو شارٹ لسٹ کر لیا گیا، دو ہفتوں میں سکیم کا باقاعدہ آغاز کر دیں گے، پنجاب حکومت گاڑیوں کا مارک اپ، ٹوکن ٹیکس اور رجسٹریشن فیس ادا کرے گی۔انہوں نے بتایا کہ ای ٹیکسی سکیم پر عملدرآمد کے لئے بزنس اور فنانشل ماڈل بھی تیار کر لیا گیا، پائلٹ پراجیکٹ کے تحت 1100ای ٹیکسیز فلیٹ آنرز، انفرادی سطح اور رائیڈ کمپنیوں کو دی جائیں گی۔
