اسلام آباد(این این آئی)اسلام آباد میں چینی کی نئی قیمت مقرر کردی گئی، فی کلو ریٹیل پرائس 172روپے ہوں گے۔میڈیارپورٹ کے مطابق وفاقی دارالحکومت میں چینی کی فی کلو ریٹیل قیمت 172روپے مقرر کردی گئی، انتظامیہ نے نوٹیفکیشن بھی جاری کردیا ۔نوٹیفکیشن کے مطابق اسلام آباد میں چینی کی ریٹیل قیمت 172روپے فی کلو مقرر کی گئی ہے، چینی ایکس مل ریٹ پر 165روپے فی کلو بیچی جائے گی۔نوٹیفکیشن میں کہا گیا کہ مقررہ قیمت کی خلاف ورزی کی صورت میں سخت قانونی کارروائی ہوگی۔

ڈی سی اسلام آباد کی جانب سے تمام اسسٹنٹ کمشنرز کو احکامات جاری کردیئے گئے۔ڈپٹی کمشنر اسلام آباد عرفان میمن نے کہاکہ چینی کی ریٹ لسٹ سے زائد قیمت وصول کرنے والوں کیخلاف کریک ڈاؤن کیا جائے، شہری چینی خریدتے وقت قیمت ریٹ لسٹ کے مطابق ہی ادا کریں، شہری چینی کی زائد قیمت وصول کرنیوالے دکانداروں کی نشاندہی بھی کریں۔