لاہور (این این آئی)حکومت کی جانب سے بجلی کی بچت کا منصوبہ تیار کر لیا،صارفین کے8کروڑ پنکھوں کو انورٹر ٹیکنالوجی پر منتقل کرنے کا فیصلہ کر لیا۔ ذرائع کے مطابق لیسکو کے بورڈ آف ڈائریکٹرز نے میگا پراجیکٹ کی منظوری دیدی،کمپنی کے بورڈ آف ڈائریکٹرز کی منظوری سے کیس کو نیکا بھجوا دیا گیا،انورٹر پنکھے کی فراہمی بورڈ آف ڈائریکٹرز کی منظوری سے مشروط کی گئی تھی،
بورڈ آف ڈائریکٹرز کی منظوری کے بعد اب نیکا اور لیسکو میں معاہدہ ہو گا،معاہدے کے مطابق صارفین کو انورٹر پنکھے فراہم کئے جا سکیں گے۔ملک بھر میں آٹھ کروڑ پنکھوں کو تبدیل کرنے کی منصوبہ بنایا گیا،8کروڑ پنکھوں کی تبدیلی سے سالانہ 5ہزار میگاواٹ بجلی کی بچت ہو گی،صارفین کو آسان اقساط پر جدید پنکھے فراہم کئے جائیں گے،صارفین سے اقساط بجلی کے بلوں میں شامل کر کے وصول کی جائیں گی۔
