اسلام آباد(این این آئی)حکومت کی جانب سے آئندہ مالی سال 2025-26کے بجٹ میں دودھ، ادویات اور اسٹیشنری سمیت دیگر اشیا پر عائد ٹیکس کی شرح کم کیے جانے کا امکان ہے۔ایف بی آر ذرائع کے مطابق وفاقی بجٹ برائے سال2025-26آئندہ ماہ جون میں پیش کیا جائے گا،

ایف بی آر کی جانب سے اگلے مالی سال سے متعلق بجٹ تجاویز کا جائزہ لے کر حتمی شکل دی جارہی ہے، اس بجٹ میں اسٹیشنری، دودھ اور دواوں پر ٹیکس رعایت دینے کی تجاویز دی گئی ہیں۔ایف بی آر ذرائع کے مطابق آئندہ بجٹ میں ڈیری ملک پر سیلز ٹیکس کو 18فیصد سے کم کر کے 10سے 12فیصد کیا جا سکتا ہے جس سے یہ اشیا سستی ہو جائیں گی۔