ننکانہ صاحب(این این آئی)رمضان المبارک کا آغاز ہوتے ہی دنیا بھر کے مسلمان روحانی جوش و خروش کے ساتھ روزے رکھتے ہیں۔ افطار کے وقت کھجور کا استعمال سنتِ نبوی ۖ ہے، جو نہ صرف دینی اعتبار سے باعثِ برکت ہے بلکہ طبی فوائد سے بھی بھرپور ہے۔ماہرین صحت کا کہنا ہے کہ روزے کے بعد کھجور کھانے سے جسم کو فوری توانائی ملتی ہے، بلڈ شوگر متوازن رہتی ہے، اور معدہ افطار کے لیے تیار ہوتا ہے۔

کھجور میں موجود فائبر نظام ہاضمہ کو بہتر بناتا ہے، جبکہ اس میں شامل قدرتی شکر فوری توانائی فراہم کرتی ہے، جس سے جسم میں کمزوری محسوس نہیں ہوتی۔ افطاری کے وقت فرائی چیزیں کھانے سے معدہ خراب ہو جاتا ہے اس لئے افطاری کے وقت کھجور کا استعمال صحت بخش ثابت ہوا ہیدوکانداروں کا کہنا ہے کہ رمضان المبارک میں کھجور کی فروخت میں اضافہ ہو جاتا ہے کیونکہ ہر مسلمان کی کوشش ہوتی ہے کہ روزہ کھجور کے ساتھ افطار کیا جائے ہم کوشش کرتے ہیں عوام کو مناسب اور معیاری کھجور فراہم کریں جبکہ خریداروں کا کہنا ہے کہ رمضان المبارک میں افطار کھجور کے بغیر مکمل نہیں لگتا یہ نبی کریم صلی اللہ علیہ وآلہ وسلم کی سنت بھی ہے اور صحت کے لئے بھی فائدے مند ہے۔