کراچی(این این آئی)سال 2025 کے پہلے مہینے جنوری کے بعد فروری میں بھی سام سنگ گلیکسی ایس 25 الٹرا کی برتری برقرار ہے۔ البتہ، مقبولیت کی فہرست میں شیامی 15 الٹرا نے حیران کن انٹری دی ہے۔ دلچسپ بات یہ کہ شیامی کی یہ ڈیوائس ابھی صارفین کے لیے جاری نہیں کی گئی ہے۔

گزشتہ ہفتے ٹرینڈنگ میں رہنے والے اسمارٹ فونز کی جاری کی گئی فہرست کے مطابق پہلے نمبر پر سام سنگ ایس 25 الٹرا جبکہ دوسرے نمبر پر شیامی 15 الٹرا موجود ہے۔سام سنگ گلیکسی ایس 25 تیسرے، سام سنگ گلیکسی اے 55 چوتھے، ویوو ط50 پانچویں اور ایپل آئی فون 16 پرو میکس چھٹے نمبر پر ہیں۔شیامی پوکو ایکس 7 پرو ساتویں، سام سنگ گلیکسی ایس 24 الٹرا آٹھویں، نتھنگ فون (3ات)پرو نویں اور شیامی ریڈ می نوٹ 14 پرو پلس 5 جی (گلوبل) 10 ویں نمبر پر براجمان ہیں۔