اسلام آباد (این این آئی)سٹیٹ بینک نے نیشنل بینک کی حافظ آباد برانچ کو 20لاکھ روپے مالیت کے 500روپے والے جعلی کرنسی نوٹ پائے جانے پرسیل کر دیا ۔میڈیا رپورٹ کے مطابق سٹیٹ بینک نے نیشنل بینک پر سنگین کوتاہی کیلئے 20 کروڑ روپے کا بھاری جرمانہ بھی عائد کردیا۔
رپورٹ کے مطابق جعلی کرنسی نجی بینک کے ذریعے نیشنل بینک کی برانچ میں جمع کرائی گئی جس سے بینکنگ کی نگرانی کے بارے میں خدشات پیدا ہوگئے ہیں۔جعلی کرنسی کی اصلیت کا پتہ لگانے کیلئے اعلی سطحی تحقیقات جاری ہیں، کیس میں متعدد اداروں کی شمولیت کے باعث پیچیدگیاں پیدا ہوگئی ہیں جس وجہ سے تفتیش میں مشکلات پیدا ہو رہی ہیں۔
