راولپنڈی(این این آئی)انسداد دہشت گردی عدالت راولپنڈی نے جلاؤ گھیراؤ کیس میں پی ٹی آئی رہنما اعظم سواتی کا مزید 7روزہ جسمانی ریمانڈ منظور کرلیا۔جمعرات کوانسداد دہشت گردی عدالت کے جج امجد علی شاہ نے 5اکتوبر کو ہنگامہ آرائی، توڑ پھوڑ اور جلاؤ گھیراؤ کیس کی سماعت کی۔
پولیس نے ملزم کے جسمانی ریمانڈ میں توسیع کی درخواست کی۔ اعظم سواتی نے کہاکہ ایک یا دو دن کے بجائے ایک ہی بار پولیس کو سات روزہ ریمانڈ دے دیں ۔عدالت نے پولیس کی درخواست اور اعظم سواتی کی اس پیشکش پر ریمانڈ میں توسیع کی استدعا منظور کر لی۔جج امجد علی شاہ نے اعظم سواتی کا مزید 7روزہ جسمانی ریمانڈ منظور کرتے ہوئے تفتیش مکمل کرکے 13نومبر کو دوبارہ پیش کرنے کا حکم دیا۔
