اسلام آباد (این این آئی)نیپرا نے ستمبر کیلئے فیول پرائس ایڈجسٹمنٹ کی مد میں بجلی ایک روپیہ 28پیسے سستی کردی ،اطلاق کے الیکٹرک صارفین پر نہیں ہوگا۔نیپرا نے پرائس ایڈجسٹمنٹ برائے ستمبر 2024 کی مد میں نیپرا نے بجلی 1روپے 28پیسے فی یونٹ سستی کردی جس کا نوٹیفکیشن بھی جاری کردیاگیا ہے ۔
نیپرا کے مطابق سی پی پی اے جی نے ایف سی اے کی مد میں 71پیسے فی یونٹ کمی کی درخواست جمع کروائی تھی جس پر 30اکتوبر 2024 کوعوامی سماعت ہوئی تھی۔ستمبر کا ایف سی اے اگست کی بہ نسبتصارفین سے مزید 42پیسے فی یونٹ کم چارج کیا جائے گا۔نیپرا کے مطابق فیصلے کا اطلاق ڈسکوز کے تمام صارفین ماسوائے لائف لائن، پری پیڈ صارف اور الیکٹرک وہیکل چارجنگ اسٹیشنز پر ہوگا، اس کا اطلاق کے الیکٹرک صارفین پر بھی نہیں ہوگا۔
