صوابی(این این آئی)موضع ڈاگئی میں والد سے خرچ خوراک کے مطالبے پر بیٹے نے نماز فجر پڑھنے کے بعد گھر جاتے ہوئے باپ پر پستول سے فائرنگ کرکے قتل کر دیا ، کالو خان پولیس نے بروقت کارروائی کرکے ملزم کو گرفتارکر لیا ،مبصر حیات سکنہ ڈاگئی محلہ حمزہ خیل نے تھانہ کالو خان میں ایف آئی آر درج کراتے ہوئے بتایا کہ وہ جمعرات کی صبح اپنے 57 سالہ والد عمر حیات اور چچا عبدالحیات کے ہمراہ مسجد میں نماز فجر پڑھنے کے بعد واپس اپنے گھر جارہے تھے
جب ہم مدرسہ لار پخہ لیکہ نذد حجرہ پہنچے تو وہاں ان کا بھائی معاذعلی جو پستول سے مسلح کھڑے تھے نے اپنے والد عمر حیات پر فائرنگ شروع کردی جس کے نتیجے میں وہ شدید زخمی ہوگئے جو ہسپتال لے جاتے ہوئے راستے میں زخموں کی تاب نہ لا کر چل بسا ، رپورٹ میں وجہ عناد یوں بیان کی گئی ہے کہ ملزم اپنے مقتول باپ سے خرچ خوراک کا مطالبہ کرتا تھا ، پولیس نے بروقت کارروائی کرتے ہوئے ملزم کو گرفتارکر لیا ، کالو خان پولیس نے ملزم کے خلاف ایف آئی آر درج کرکے تفتیش شروع کردی ہے۔
