لاہور ( این این آئی) شہر میں متعدد سرکاری محکمے اور ادارے بجلی کے بلوں کی مدمیں اربوں کے نادہندہ نکلے، لیسکو کے نادہندہ ادارے وفاقی و صوبائی حکومت کے زیر انتظام ہیں۔وزارت ریلوے لیسکو کی 51کروڑروپے کی نادہندہ ،سول ایوی ایشن اتھارٹی 16کروڑروپے،پی ڈبلیو ڈی 9کروڑ 90لاکھ روپے،کیبنٹ سیکرٹریٹ 8 کروڑ روپے ،جیو لوجیکل سروے پاکستان 6کروڑ روپے،پاکستان ایڈمنسٹریٹو سٹاف کالج 3کروڑ 50لاکھ روپے کا نادہندہ ہے۔

پاکستان براڈ کاسٹ کارپوریشن لیسکو کا 3کروڑ روپے کا نادہندہ ،ٹی ایم ایز 6ارب روپے کا نادہندہ،واسا 3ارب روپے،محکمہ پولیس پنجاب کا 73کروڑ روپے،پنجاب ایری گیشن ڈیپارٹمنٹ 69 کروڑ روپے،ڈسٹرکٹ گورنمنٹ لاہور 53کروڑ روپے،ڈسٹرکٹ اینڈ تحصیل ہسپتال لاہور 46کروڑ روپے جبکہ ایل ڈی اے لیسکو کا 28کروڑ روپے کا نادہندہ ہے۔اسی طرح میو ہسپتال لیسکو کا 27کروڑ روپے کا نادہندہ ہے،پارکس اینڈ ہارٹی کلچرل اتھارٹی 25کروڑ روپے،محکمہ جیل 25کروڑ روپے کا نادہندہ،لاہور رنگ روڈ اتھارٹی23 کروڑ روپے جبکہ گنگا رام ہسپتال لیسکو کا 20 کروڑ روپے کا نادہندہ ہے۔