ممبئی (این این آئی)بالی ووڈ اداکارہ ودیا بالن ممبئی میں ایک تقریب کے دوران مشہور گانے آمی جے تومار پر رقص کرتے ہوئے اسٹیج پر گرگئیں۔بھارتی میڈیا کے مطابق اداکارہودیا بالن اسٹیج پر ڈانسنگ کوئین مادھوری ڈکشٹ کیساتھ اپنی نئی فلم بھول بھلیاں 3 کے گانے آمی جے تومار پر رقص کررہی تھیں کہ اچانک لڑکھڑا کر گرگئیں تاہم اداکارہ نے نہایت خوبصورتی سے خود کو سنبھالتے ہوئے رقص جاری رکھا، ایسے میں مادھوری ڈکشٹ بھی رقص کرتے ہوئے ان کی مدد کو آئیں جس سے ناظرین کو ڈانس میں جھول محسوس نہیں ہوا۔

ودیا کے ڈانس کے دوران گرنے کا منظر ایک پاپارازی نے اپنے انسٹاگرام اکائونٹ پر ویڈیو کی صورت میں پوسٹ کیا ہے جس میں دیکھا جاسکتا ہے کہ ودیا کے گرنے اور خوبصورتی سے خود کو سنبھال کر رقص جاری رکھنے پر مداح متاثر ہوکر داد دے رہے ہیں۔ودیا کی پرفارمنس پر مداحوں نے ردعمل دیتے ہوئے کمنٹس کئے کہ واہ، اس نے اپنے آپ کو کیسے سنبھالا جب وہ نیچے گرگئی اور پرفارمنس بھی مکمل کرلی۔

بہت خوب! ایک تبصرے میں لکھا گیا، مادھوری کی ہدایت کاری میں مہارت، جب وہ زوال کے بعد اسٹیپس بھول گئیں!۔ودیا بالن نے اس بارے میں بات کرتے ہوئے کہا کہ وہ ہمیشہ مادھوری کے ساتھ ڈانس کرنا چاہتی تھیں، جب سے ان کا مشہور گانا ایک دو تین آیا تھا۔ودیا نے کہا کہ آج مادھوری ڈکشٹ کے ساتھ ڈانس کرنے کا میرا خواب پورا ہوا، یقینا میں گرگئی تھی لیکن جس طرح انھوں نے اس سچویشن کو ہینڈل کیا وہ واقعی مادھوری ڈکشٹ ہیں۔