اسلام آباد(نیوزڈیسک)ایف آئی اے نے دہشت گردی کی مالی معاونت کرنے والے لینڈ مافیا کی رپورٹ وزارت داخلہ کو پیش کر دی ۔ایف آئی اے کے مطابق مافیا مختلف شہروں میں متحرک ہےاورقربانی کی کھالوں سے حاصل رقوم بھی استعمال کرتا ہے،رپورٹ میں مالی معاونت کرنے والوں کی نشاندہی بینک اکائونٹس منجمد کرنے کی استدعا بھی کی گئی ہے، وزارت داخلہ کو پیش کی گئی رپورٹ میں کہا گیا ہے کہ لینڈ مافیا دہشت گردوں کی مالی معاونت کرتا ہے دہشت گردوں کی مالی مدد کرنے والا لینڈمافیا اسلام آباد،راولپنڈی،کراچی،لاہور، فیصل آباد، ملتان اور پشاور سمیت دیگر شہروں میں متحرک ہے رقوم کی منتقلی کے لیے بینکوں کے ساتھ ساتھ دیگر ذرائع بھی استعمال کیے جاتے ہیں رپورٹ کے مطابق دہشت گردوں کی مالی معاونت کے لیے لینڈ مافیا قربانی کی کھالوں اور چندوں سے حاصل رقوم بھی استعمال کرتا ہے ایف آئی اے نے مالی معاونت کرنے والوں کا موبائل ڈیٹا بھی فراہم کیا ہے رپورٹ میں لینڈمافیا کے بینک اکائونٹس منجمند کرنے کی استدعا بھی کی گئی ہے۔ذرائع کے مطابق وفاقی وزیرداخلہ چوہدری نثارعلی خا ن نے ایف آئی اے حکام کوہدایات دی تھیں کہ وہ کسی بھی دباﺅ کے بغیرلینڈمافیاکے خلاف رپورٹ تیارکریں اورکسی بھی سیاسی وغیرسیاسی شخصیت کے دباﺅسے بالاترہوکرلینڈمافیاکے خلاف کارروائی کریں ۔