گوجرانوالہ (این این آئی)گوجرانوالہ کے علاقے قلعہ دیدارسنگھ میں بھائی اور بہن نے مبینہ طور پر خودکشی کر لی۔پولیس کے مطابق واقعے پر اہلِ خانہ نے کسی بھی قسم کی قانونی کارروائی کرانے سے سے انکار کر دیا ہے، تاہم واقعے کی تحقیقات جاری ہیں۔
بہن بھائی کی مبینہ خودکشی پر اہلِ خانہ نے پولیس کو تحریری بیان دیا ہے کہ معمولی تلخ کلامی پر چھوٹے بھائی نے بڑی بہن کو طلاق کا طعنہ دیا تھا، جس پر بہن نے بھائی کے سامنے زہریلی گولیاں کھا لیں۔اہلِ خانہ کا بیان میں کہنا ہے کہ بہن سے ایک زہریلی گولی چھین کربھائی نے بھی کھا لی۔پولیس کو دیے گئے بیان کے مطابق دونوں کو میڈیکل کالج اسپتال لے جایا گیا جہاں دونوں دم توڑ گئے۔
