کراچی (این این آئی)پاکستانی ماڈل و اداکارہ نادیہ حسین نے تنازعات میں رہنے والے ڈرامہ رائٹر خلیل الرحمن قمر کیلئے توہین آمیز الفاظ استعمال کرنے پر وضاحت دی ہے۔نادیہ حسین کا ایک ویڈیو کلپ سوشل میڈیا پر وائرل ہورہا ہے جس میں وہ ڈرامہ رائٹر خلیل الرحمن قمر کو ذلیل کہنے پر بات کررہی ہیں۔

اداکارہ نے خلیل الرحمن قمر سے متعلق یہ الفاظ استعمال کرنے بارے کہا کہ میں خلیل کہنا چاہتی تھی لیکن میں نے غلطی سے ذلیل کہہ دیا،نادیہ حسین نے کہا کہ میں نے ایسا نہیں کہا تھا کہ یہ لفظ خلیل الرحمن قمر کیلئے استعمال کیا ہے، اب یہ لوگوں پر منحصر ہے کہ وہ اسے کن معنوں میں لیتے ہیں۔ لوگوں کا خیال تھا کہ میں خلیل الرحمن قمر کا حوالہ دے رہی ہوں لیکن ایسا نہیں ہے۔ میں نے ویڈیو بنائی کیونکہ میں اسے بنانا چاہتی تھی اور دل میں جو محسوس کررہی تھی اس آواز کو باہر نکالنا چاہتی تھی۔