راولپنڈی (این این آئیقومی اسمبلی میں اپوزیشن لیڈر عمر ایوب نے ہفتے کو ملک بھر میں احتجاج کا اعلان کر دیا ہے۔اڈیالہ جیل کے باہر میڈیا سے گفتگو کرتے ہوئے رہنماء پی ٹی آئی عمر ایوب نے کہا کہ ہم چار گھنٹے کھڑے رہے لیکن بانی پی ٹی آئی سے ملاقات کی اجازت نہیں دی گئی، جتنی مشینری ہے وہ ریاست کے اوزار ہیں۔
عمر ایوب نے کہا کہ پبلک کے نمائندے جو یہاں کھڑے ہیں یہ ریاست ہیں، آئین و قانون کی دھجیاں اڑائی جا رہی ہیں۔انہوں نے کہا کہ ہفتہ کو ہر جگہ ہمارا احتجاج ہو گا، جمعہ کو سپریم کورٹ کے سامنے وکلا احتجاج کریں گے۔انہوں نے کہا کہ اڈیالہ میں کرنل آئی ایس آئی، ایم آئی، ایف آئی اے کو، جو بھی ہے اس کو میسج دیتے ہیں ہوش کے ناخن لو، آپ کا کام دہشتگردی کنٹرول کرنا ہے، ملک دشمنوں کے خلاف جانا ہے۔ ہم عوام کے نمائندے ہیں، ہمیں عوام نے منتخب کیا ہے۔
