ممبئی (نیوز ڈیسک )بالی ووڈ کے دو مضبوط اداکار عرفان خان اور کنگنا راناوت بیگم اختر کی زندگی پر بننے والی فلم میں مرکزی کردار کے طور پر نظر آسکتے ہیں۔بھارتی اخبار کے مطابق ’اے محبت‘ ٹائٹل کی اس فلم میں عرفان خان مرکزی کردار ادا کرنے کے لیے تیار ہیں جب کہ کنگنا بھی ان کے ساتھ نظر آئیں گی تاہم انہوں نے بھی تک اس کی کوئی تصدیق نہیں کی۔فلم کے پروڈیوسر کا ایک انٹرویو میں کہنا تھا کہ انہوں نے کنگنا سے اس فلم میں بیگم اختر کے کردار کو ادا کرنے کی درخواست کی ہے۔بیگم اختر کی وجہ شہرت غزل اور ٹھمری گانے ہیں جنھیں پدما بھوشن کا اعزاز بھی مل چکا ہے، یہ فلم بیگم اختر کی طالبہ ریتا گنگولی کی مدد سے بنائی جارہی ہے جو ان کے بہت قریب تھیں اور انہیں ’امی‘ کہتی تھیں۔پروڈیوسر کے مطابق ‘اے محبت’ ایک فیچر فلم ہے جس کا اسکرین پلے تیار ہے اور اسے اگلے سال ریلیز کیا جائے گا۔’منگل پانڈے‘ اور ’منجھی دی ماو¿نٹین مین‘ سے شہرت پانے والے ہدایت کار کیتن مہتا اس فلم کی ہدایت کاری کے فرائض سرانجام دیں گے جب کہ فلم کی موسیقی اے آر رحمان ترتیب دیں گے۔