لاہور(این این آئی)لاہور الیکٹرک سپلائی کمپنی(لیسکو)بورڈ آف ڈائریکٹرز نے گولڈ میڈلسٹ ارشد ندیم کو 19ویں گریڈ میں ترقی دینے سے انکار کر دیا۔میڈیارپورٹ کے مطابق ذرائع نے بتایاکہ لیسکو سپورٹس بورڈ نے ارشد ندیم کو 18ویں سے 19ویں گریڈ میں ترقی دینے کی سفارش کی تھی لیکن نئے بورڈ چیئرمین نے پروموشن دینے سے معذرت کر لی ہے۔

رولز کے مطابق سپورٹس مین کو زیادہ سے زیادہ گریڈ 18میں ترقی مل سکتی ہے۔لیسکو بورڈ کے مطابق ارشد ندیم کو ترقی دینے کیلئے رولز تبدیل کرنا ہوں گے۔ارشد ندیم کی ترقی کیلئے سمری واپڈا سپورٹس بورڈ کو بھجوانے کا فیصلہ کر لیا گیاہے۔