کراچی (این این آئی)وزیر کھیل امور نوجوانان سندھ سردار محمد بخش مہر نے گولڈ میڈلسٹ ارشد ندیم کے لیے 35 لاکھ روپے انعام کا اعلان کر دیا۔اپنے بیان میں سردار محمد بخش مہر نے کہا کہ سندھ حکومت کے محکمہ کھیل کی جانب سے ارشد ندیم کو 25 لاکھ روپے انعام دیا جائے گا۔

انہوں نے کہا کہ میں اپنی جیب سے ارشد ندیم کو 10 لاکھ روپے انعام کا دینے کا اعلان کرتا ہوں۔وزیر کھیل سندھ نے کہا کہ ارشد ندیم نے اولمپکس میں گولڈ مڈل جیت کر سر فخر سے بلند کیا ہے، جلد اس سے ملاقات کروں گا۔واضح رہے کہ ارشد ندیم نے پیرس اولمپکس میں جیولین تھرور کے مقابلے میں 92.97 کی ریکارڈ تھرو کی تھی اور پاکستان کی 77 سالہ تاریخ میں پہلی مرتبہ اکیلے شخص نے ملک کے لیے گولڈ میڈل جیتا۔