اسلام آباد (این این آئی) آٹے کے بعد چاول کی فروخت پر بھی ایڈوانس اور ود ہولڈنگ ٹیکس لگا دیا گیا۔تفصیلات کے مطابق وفاقی حکومت نے آٹے کے بعد چاول کی فروخت پر بھی ایڈوانس اور ود ہولڈنگ ٹیکس لگا دیا ہے، اعشاریہ ایک فیصد ٹیکس ڈسٹری بیوٹر یا ڈیلرز سے مینوفیکچرر اور کمرشل امپورٹر وصول کریں گے۔

ذرائع کے مطابق نان فائلر کی صورت میں ایڈوانس ٹیکس دو فیصد وصول کیا جائے گا۔ ٹیکس خریدار سے فروخت شدہ پروڈکٹ کی رقم کے علاوہ وصول کیا جائیگا جبکہ ٹیکس کی رقم انکم ٹیکس فائلرکی ریٹرن فائل میں جمع کروائی جائے گی۔ذرائع کے مطابق دفعہ 236ایچ کے تحت ایڈوانس ٹیکس .5فیصد جمع کرانا ہوگا۔ نان فائلرایڈوانس ٹیکس کی صورت میں 2.5فیصد ٹیکس دینا ہوگا۔