قاہرہ(این این آئی)مصر کی غربیہ گورنری میں تفتیشی حکام نے اپنے خاندان کو ذبح کرنے والے محمد الشرقاوی نامی مجرم کے اعترافی بیانات حاصل کیے ہیں۔ گرفتار ملزم نے دوران تفتیش تہرے قتل کے لرزہ خیز انکشافات کیے ہیں۔عرب ٹی وی کے مطابق ملزم کا کہنا تھا کہ اس نے اپنی ماں، بہن اور چھوٹے بھائی کو ذبح کیا۔ ان کی لاشوں کو جلایا، انہیں کاٹ کر ٹکڑے ٹکڑے کیا۔ اس کے بعد کچھ کو کتوں کے آگے پھینکا اور کتوں کی خدمت کی۔ اس کا مزید کہنا کہ اس کا اس طرح قتل کرنے کا ارادہ نہیں تھا۔

ملزم نے بتایا کہ اس نے اپنا جرم صبح پانچ بجے انجام دیا۔اس نیاپنا چاقو نکالا اورپہلے اپنے بھائی پر وار کیا۔ جب اسے قتل کردیا تو پھر ماں اور اس کے بعد بہن کو ذبح کیا۔ وہ ذہنی طور پر بیمار نہیں ہے اور نہ ہی کسی نفسیاتی عارضے کا شکار ہے۔ملزم نے انکشاف کیا کہ اپنے جرم کو انجام دیتے ہوئے اس نے اپنی والدہ اور بہن بھائیوں کی لاشوں کو کاٹنے کے لیے 20 چاقوں کا استعمال کیا۔ اس نے مزید کہا کہ مقتولین کی کچھ باقیات گھر کے فریج میں رکھ دیں اور دوسرا حصہ کتوں کو پھینک دیا۔