کراچی (این این آئی) مئی2024 میں کارکنوں کی ترسیلاتِ زر کی مد میں 3.2 ارب ڈالر کی رقم آئی۔اسٹیٹ بینک کے مطابق نمو کے لحاظ سے مئی 2024 کے دوران ترسیلاتِ زر میں ماہ بماہ بنیاد پر 15.3 فیصد اضافہ اور سال بسال بنیاد پر 54.2 فیصد اضافہ ہوا۔

مالی سال 24 کے پہلے گیارہ مہینوں کے دوران کارکنوں کی ترسیلاتِ زر کی مد میں 27.1 ارب ڈالر کی رقم آئی جو گذشتہ مالی سال کے پہلے گیارہ مہینوں سے 7.7 فیصد زیادہ ہے۔ مئی 2024 کے دوران ترسیلاتِ زر زیادہ تر سعودی عرب 819.3 ملین ڈالر، متحدہ عرب امارات 668.5ملین ڈالر، برطانیہ 473.2 ملین ڈالر، اور ریاست ہائے متحدہ امریکہ (359.5ملین ڈالرسے موصول ہوئیں۔