تہران(این ای آئی) ہیلی کاپٹر حادثے میں جاں بحق ہونے والے ایرانی صدر ابراہیم رئیسی کے جسد خاکی کی شناخت ہو گئی۔غیرملکی خبررساں ادارے کے مطابق ایرانی ہلال احمر نے ایرانی صدر ابراہیم رئیسی اور وزیر خارجہ حسین امیر کے جسد خاکی ہیلی کاپٹر کے ملبے سے ملنے کی تصدیق کی ہے۔ایرانی ہلال احمر کا کہنا تھا کہ میتوں کو تبریز منتقل کیا جائے گا۔ ایرانی حکام کے مطابق کچھ لاشیں جل کر ناقابل شناخت ہو گئی ہیں۔صدر ابراہیم رئیسی ڈیم کے افتتاح کے بعد واپس تبریز جاتے ہوئے ہیلی کاپٹر حادثے میں جاں بحق ہو گئے تھے۔ ہیلی کاپٹر میں تبریز کے گورنر اور دیگر حکام بھی سوار تھے۔