اسلام آباد (این این آئی)یوٹیلٹی سٹورز پر گھی کی قیمت میں 58روپے فی کلو اضافہ کردیا گیا۔ تفصیلات کے مطابق یوٹیلٹی سٹورزپرسبسڈی والے گھی کی قیمت 58 روپے فی کلو بڑھا دی گئی جس کے بعد بی آئی ایس پی صارفین کیلئے گھی کی نئی قیمت 393روپے فی کلو ہو گئی ہے ، گھی کی قیمت میں اضافے کا اطلاق فوری طورپر ہو گا۔

ذرائع کے مطابق رمضان پیکیج کے تحت یوٹیلیٹی اسٹورز پر گھی کی فی کلو قیمت 335روپے تھی ،قیمت میں اضافے کے بعد بھی ایک کلو گھی پر 70روپے سبسڈی ہے۔ذرائع کے مطابق نئی خریداری مہنگی قیمت پر کرنے کے باعث گھی کی قیمت میں اضافہ کیا گیا ہے۔دوسری جانب ترجمان یوٹیلیٹی سٹور نے گھی کی قیمتوں میں اضافے کی خبروں کر تردید کرتے ہوئے کہا کہ اس بارے میڈیا پر چلنے والی خبریں بے بنیا د ہیں۔