کاکول/اسلام آباد (این این آئی)پاکستان ٹیم کے ممکنہ کھلاڑیوں نے کاکول اکیڈمی میں آرمی ٹرینر کی زیر نگرانی ٹریننگ کی کاکول اکیڈمی میں کرکٹرز کی فٹنس کو مزید بہتر بنانے کیلئے مختلف ڈریلز کرائی جارہی ہیں۔کاکول کے آرمی اسکول آف فزیکل ٹریننگ سینٹر میں پاکستان ٹیم کے ممکنہ کھلاڑی دو سیشن میں ٹریننگ کررہے ہیں۔
قومی کرکٹرز کا پہلا سیشن افطار سے قبل ہوتا ہے جس میں کھلاڑیوں نے سائیکلنگ کی، بیڈ منٹن بھی کھیلا اور ٹریک پر رننگ بھی کی۔افطار کے بعد فلڈ لائٹس میں کرکٹرز کو آرمی ٹرینر کی زیر نگرانی مختلف ڈرلز بھی کروائی جارہی ہیں۔
