لندن(این این آئی)سمندر کے راستے 500سے زائد غیر قانونی تارکین وطن برطانیہ میں داخل ہوگئے۔ لندن سے میڈیا رپورٹ کے مطابق رواں برس کے دوران ایک دن میں 500سے زائد غیر قانونی تارکین وطن کا برطانیہ پہنچنا اب تک کی سب سے بڑی تعداد ہے۔ برطانوی ہوم آفس کے مطابق 512تارکین وطن 10چھوٹی کشتیوں کے ذریعے برطانیہ پہنچے۔

4مارچ کو بھی 401افراد غیر قانونی طور پر برطانیہ میں داخل ہوئے تھے۔ میڈیا رپورٹ کے مطابق رواں برس سمندر کے راستے آنے والوں کی مجموعی تعداد 4043ہوچکی ہے۔ رواں برس سمندر کے راستے آنے والوں کی تعداد گزشتہ برس اسی عرصیکی نسبت 10فیصد زائد ہے۔ میڈیا رپورٹ کے مطابق گزشتہ برس 29437افراد کشتیوں کے ذریعے برطانیہ پہنچے۔