اسلام آباد(نیوزڈیسک) پاکستان سپر لیگ 9 کے فائنل میچ میں ملتان سلطان نےاسلام آباد یونائیٹڈ کو جیت کے لیے 160رنز کا ہدف دے دیا۔ملتان سلطان کی ٹیم نے مقررہ اوورز میں9وکٹوں کے نقصان پر159رنز بنائے، یاسر خان اور ڈیوڈ ویلے6،6 رنز بناکرعماد وسیم کی گیند پر آؤٹ ہوئے،کپتان محمد رضوان26 رنز بناکر شاداب خان کا شکار بنے، جونسن چارلس 4 رنز بناکر عماد وسیم کی گیند پر آؤٹ ہوئے، عثمان خان 57 رنز بناکر شاداب خان کی گیند پر آؤٹ ہوئے، خوش دل شاہ 11 رنز بناکر عماد وسیم کا شکاربنے، اسامہ میر کو 6 کے انفرادی سکور پر شاداب خان نے آؤٹ کیا، چارلس جورڈن بغیر کوئی رنز بنائےعماد وسیم کی گیند پرکیچ آؤٹ ہوئے جبکہ عباس آفریدی ایک رن بناکر رن آؤٹ ہوگئے،افتخار احمد32رنز بناکر ناٹ آؤٹ رہے۔