اسلام آباد(نیوزڈ یسک) پاکستان سپر لیگ سیزن 9 کے دوسرے ایلیمینٹر میچ میں پشاور زلمی نے اسلام آباد یونائیٹد کو جیت کے لیے 186رنز کا ہدف دے دیا ۔ پشاور زلمی نے پہلے بیٹنگ کرتے ہوئے مقررہ 20اوورز میں 5وکٹوں کے نقصان پر 185رنز بنائے۔

تفصیلات کے مطابق اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا، پشاور زلمی کے اوپنرز صائم ایوب اور بابر اعظم کریز پر آئے اور آٹھویں اوور تک مجموعی 72 رنز بنائے کہ نسیم شاہ کی بال پر بابر کیچ دے بیٹھے جو شاداب نے پکڑ لیا۔ ان کے بعد صائم ایوب 73رنز بنا کر آوٹ ہوئے۔محمد حارث نے بھی جارحانہ کھیل پیش کیا اور 40سکور بناکر آوٹ ہوئے۔روومین پاول 2جبکہ ٹام کیڈمور 18سکور بنا کر آوٹ ہوئے۔ عامر جمال 17رنز کر کے ناٹ آوٹ رہے۔اسلام آباد یونائیٹڈ کی جانب سے نسیم شاہ 3جبکہ شاداب خان اور میکوئے ایک ، ایک کھلاڑی کو آوٹ کرنے میں کامیاب ہوئے۔