لاہور(این این آئی)پی سی بی کی جانب سے قومی ٹیم کیلئے غیر ملکی کوچز کی تلاش ہنگامی بنیادوں پر شروع کرنے کا فیصلہ کیا گیا ہے۔ذرائع کے مطابق سابق آسٹریلوی آل رائونڈر اور پی ایس ایل9میں کوئٹہ گلیڈی ایٹرز کے کوچ شین واٹسن بھی پاکستان کرکٹ ٹیم کے کوچز کی دوڑ میں شامل ہوگئے ہیں۔

ذرائع کے مطابق شین واٹسن ہی پاکستان ٹیم کے کوچ کیلئے مضبوط امیدوار ہیں،وہ نیوزی لینڈ کے خلاف سیریز میں ذمہ دارایاں سنبھال سکتے ہیں۔ذرائع نے بتایاکہ پی سی بی کے اعلیٰ عہدیداروں کی شین واٹسن سے کوچنگ کے معاملے پر بات ہو چکی ہے۔ذرائع کے مطابق کوچنگ کیلئے ڈیرن سیمی بھی دوڑ میں شامل ہیں البتہ شین واٹسن کو کوچنگ کیلئے زیادہ فیورٹ قرار دیا گیا ہے ۔ذرائع نے بتایاکہ کوچز کے حوالے سے جلد فیصلہ ہونے کا امکان ہے۔