مکوآنہ (این این آئی)تھانہ نشاط آباد کے علاقہ 7 ج ب میں میٹرک کے طالب علم نے فائرنگ کر کے کلاس فیلو کو موت کے گھاٹ اتار دیا، پولیس نے نعش تحویل میں لیکر پوسٹ مارٹم کیلئے ہسپتال منتقل کر کے قاتل دوست کی تلاش شروع کر دی۔بتایا جاتا ہے کہ 7 ج ب کا رہائشی میٹرک کا طالب علم عبداللہ ارشاد ولد ارشاد علی گائوں کے قریب نجی اکیڈمی میں میٹرک کے امتحان کی تیاری کیلئے تعلیم حاصل کرتا تھا اور وہاں پر اس کا کسی بات پر ساتھی کلاس فیلو علی ارمان سے جھگڑا ہو گیا،

تو موقع پر موجود ٹیچرز اور دوستوں نے معاملہ رفع دفع کروا دیا، تاہم ملزم علی ارمان نے بے عزتی تصور کرتے ہوئے اکیڈمی سے گھر جاتے ہوئے راستے میں گھیر لیا اور اندھا دھند فائرنگ کر کے بری طرح لہولہان کر دیا، جسے تشویشناک حالت میں ہسپتال لایا گیا لیکن وہ جانبر نہ ہو سکا، پولیس نے نعش تحویل میں لیکر پوسٹ مارٹم کیلئے ہسپتال منتقل کر کے قاتل دوست کی تلاش شروع کر دی۔