سیول(این این آئی)جنوبی کوریا کی ایک فرم نے اپنے عملے کے لئے بچے پیدا کرنے پر کروڑوں کے انعام کااعلان کردیا،غیرملکی خبررساں ادارے کے مطابق دارلحکومت سیول میں ایک تعمیراتی کمپنی نے اپنے ایک بیان میں ملازمین کو بچے پیدا کرنے کی ترغیب دینے کے لیے فی بچہ ایک خطیر رقم بطور انعام دینے کا اعلان کیا ۔

اس نجی فرم کی جانب سے فیصلہ کیا گیا ہے کہ وہ ملک میں شرح پیدائش کو بڑھانے کے لیے بہت بڑے پیمانے پر اپنے ملازمین پر خرچہ کرے گی اور انہیں کم از کم 3 بچے پیدا کرنے کی جانب راغب کرے گی۔