نیویارک(این این آئی)معروف امریکی کمپنی ٹیسلا کے بانی ایلون مسک سے دنیا کے امیر ترین شخص ہونے کا اعزاز چھن گیا۔غیرملکی خبررساں ادارے کے مطابق اب دنیا کے امیر ترین شخص ہونے کا اعزاز فرانس کی مشہور کمپنی لوئی وٹان موئے ہینیسی(LVMH) کے سربراہ برنارڈ آرنلٹ نیحاصل کر لیا ہے۔

مشہور امریکی بزنس میگزین فوربز کی حالیہریئل ٹائم بلینیئرز لسٹ کے مطابق، برنارڈ آرنلٹ کی مجموعی مالیت 207.6 بلین ڈالرز ہے جبکہ ایلون مسک کی مجموعی مالیت 204.7 بلین ڈالرز ہے۔برنارڈ آرنلٹ کی مجموعی مالیت میں گزشتہ ہفتے غیر معمولی اضافہ ہوا ہے، گزشتہ ہفتے جمعہ کو صرف ایک دن میں ان کی کل مالیت میں 22.7 بلین ڈالرز کا اضافہ ہوا جبکہ ایلون مسک کی دولت میں 18 بلین ڈالرز کی کمی ہوئی۔