قاہرہ(این این آئی)میاں بیوی کے درمیان اختلافات اور ناچاقی کے واقعات کوئی انوکھی بات نہیں مگر مصر کی ایک عدالت میں ایک جوڑے کا حیران کن مقدمہ اور اس کا فیصلہ سامنے آیا ہے جس کی کوئی نظیر نہیں ملتی۔غیرملکی خبررساں ادارے کے مطابق س عجیب و غریب واقعے میں مصر کی ایک عدالت نے ایک خاتون کو اس کے شوہر کو واٹس ایپ ایپلی کیشن پر پیغامات کے ذریعے پریشان کرنے سزا سنائی ہے۔قنا اکنامک اپیل کورٹ نے ایک خاتون پربیس ہزار مصری پاونڈ جرمانہ اور قنا سینٹر میں 3,000 پاونڈز کی رقم ادا کرنے کا فیصلہ سنایا۔

یہ واقعہ گذشتہ مارچ 2023 کا ہے، جب ایک شہری نے قنا سکیورٹی ڈائریکٹوریٹ کے ٹیکنالوجی اور انفارمیشن ڈیپارٹمنٹ میں شکایت درج کرائی۔ اس میں مدعی شوہرنیاپنی بیوی پرالزام لگایا گیا کہ اس نے اختلافات کے دوران جان بوجھ کراسے پریشان کیا اور اسے برا بھلا کہا۔ اس کے لیے اس نے وٹس ایپ کا استعمال کیا تھا۔شکایت کی جانچ پڑتال کی گئی۔ پتا چلا کہ بیوی نے ایک نجی نمبر سے شوہر کو متنازعے پیغامات بھیجے تھے۔اس کے بعد کیس کو قنا اکنامک کورٹ میں بھیجنے کا فیصلہ کیا گیا۔ کورٹ نے کیس کو تفصیل سننے کیبعد خاتون کو 20,000 پاونڈ جرمانہ اور 3,000 پاونڈ معاوضہ ادا کرنے کا فیصلہ سنایا۔