ریاض(این این آئی)سعودی عرب کے ابشر پورٹل نے صارفین کو خبردار کیاہے کہ ڈیجیٹل آئی ڈی، ڈیٹا اور اہنے نجی اکاونٹ سے متعلق معلومات ہرگربھی کسی کو فراہم نہ کریں۔غیرملکی خبررساں ادارے کے مطابق مطابق سماجی رابطوں کی ویب سائٹ ایکس اکاونٹ ابشرکے آفئیشل پورٹل پر کہا گیا کہ کوئی بھی صارف اپنا پاس ورڈ کسی بھی صورت میں کسی دوسرے شخص کو نہ دے۔ابشر پورٹل کے مطابق آپ سے ڈیٹا طلب کرنے والے دھوکے بازہیں اور صارفین کی جانب سے اپنا ڈیٹا دینے کا مطلب نقصان اٹھانا ہے۔
پورٹل کی جانب سے مزید کہا گیا ہے کہ اگر کوئی انجان شخص آپ سے رابطہ کرکے پاس ورڈ یا آپ کی کوئی بھی نجی معلومات طلب کرے تو اس کی فوری اطلاع کریں۔ابشر پورٹل کی جانب سے یہ انتباہ حالیہ ایام کے ایک بار پھر سے دھوکے بازوں کے سرگرم ہونے کے تناطرمیں جاری کیا گیا ہے۔دھوکے بازصارفین سے رابطہ کرکے مختلف حیلوں بہانوں سے ان کا پاس ورڈ اور نجی معلومات طلب کررہے ہیں۔واضح رہے کہ ابشر پورٹل ایک ای سروسز موبائل ایپلی کیشن ہے جو عربی اور انگریزی دونوں زبانوں میں دستیاب ہے۔
