اسلام آباد(سپیشل رپورٹ‘ہمایوں خان)آج کل نیویارک میں اقوام متحدہ کی جنرل اسمبلی کا 70واں اجلاس اپنی پورے آب و تاب سے جاری ہے جہاں بھارتی وزیر اعظم نریندر مودی نے اپنے دیش بھارت کی ہر جگہ ہی ناک کٹوائی ۔ اسی سلسلے میں 28ستمبر 2015 کو عالمی امن سربراہ کانفرنس ہوئی جس میں مختلف ممالک کے سربراہان نے شرکت کی۔تقریب کے اختتام پر جب عالمی سربراہان کا فوٹو سیشن ہوا تو امریکہ ،جاپان جیسے بڑوں ملکوں کیساتھ پاکستانی وزیر اعظم میاں محمد نوازشریف کوبھی فرنٹ لائن پر جگہ دی گئی ۔بھارتی وزیر اعظم مودی جو کہ تصویروں کا شوقین ہے اس اہم موقع پر انہیں سب سے آخری لائن میں جگہ دی گئی جہاں وہ اپنے چھوٹے قد کی وجہ سے اپنی شکل تصویر میں دکھانے کی خاطراپنی گردن اوپر کی طرف کر رہے ہیں ۔پچھلے دنوں جو کچھ انہوں نے فیس بک کے بانی کیساتھ کیا وہ بھی میڈیا میں آیا لیکن مائیکروسافٹ کے سی ای او نے تو ان سے ہاتھ ملانے کے بعد اپنی دونوں ہی ہاتھ جھاڑ دئیے جس سے بھارتیوں کو مزید سبکی کا سامنا کرنا پڑا تھا۔اسی لئے کہتے ہیں غرور کا سر ہمیشہ نیچے ہوتا ہے۔
مزید پڑھئے:بہترمستقبل کی تلاش نے 8پاکستانیوں کو موت کی گہری کھائی میں دھکیل دیا
