ٹوکیو(این این آئی)آتشزدگی کی لپیٹ میں آنے والے جاپانی ایئر لائن کے مسافر طیارے کے اندر کی ویڈیو سامنے آگئی۔غیرملکی میڈیا کے مطابق منگل کو ٹوکیو ایئرپورٹ پر لینڈنگ کرنے والے مسافر طیارے میں آگ بھڑک اٹھی تھی جس نے پورے طیارے کو اپنی لپیٹ میں لے لیا تھا۔اس حوالے سے سوشل میڈیا پر طیارے کے اندر کی ایک ویڈیو سامنے آئی ہے جو کہ ایک مسافر کی جانب سے بنائی گئی ہے۔
طیارے کے باہر آگ لگنے کے بعد اندر موجود مسافروں نے دھوئیں کے باعث ماسک پہن لیے تھے جبکہ کچھ دیر بعد طیارے کے اندر افرا تفری بھی مچ گئی تھی۔واضح رہے کہ گزشتہ روز طیارے میں 367مسافر سوار تھے جنہیں بحفاظت نکال لیا گیا تھا۔
