لاہور( این این آئی)اسٹیٹ بینک آف پاکستان نے یکم جنوری 2024 کو بینک پبلک ڈیلنگ کے لیے بند رکھنے کا اعلان کر دیا۔نئے سال کے آغاز کے پہلے روز ملک بھر کے بینک بند رہتے ہیں اور وہ اپنے صارفین کے ششماہی کھاتوں کی رپورٹ مرتب کرتے ہیں، تمام بینکس میں عوامی لین دین ضرور بند ہوتی مگر آپریشنل کام جاری رہتے ہیں۔
سماجی رابطے کے پلیٹ فارم ایکس پر اسٹیٹ بینک آف پاکستان کے آفیشل ہینڈل کے ذریعے جاری کردہ بیان کے مطابق یکم جنوری 2024 بینک تعطیل کے موقع پر بینک پبلک ڈیلنگ کے لیے بند ہوں گے یعنی عوامی لین دین نہیں ہوگا۔ترجمان اسٹیٹ بینک کے مطابق تمام بینک/ ترقیاتی مالی ادارے /مائیکروفنانس بینک مذکورہ تاریخ پر عوام سے لین دین کے لیے بند رہیں گے البتہ بینکوں کے تمام ملازمین معمول کے مطابق دفتر میں حاضر ہوں گے۔
