لاہور( این این آئی)موسم سرما کی تعطیلات کے دوران لاہور میٹروبس اوراورنج لائن ٹرین میں طلبا ء و طالبات کے لیے مفت سفرکی سہولت معطل کر دی گئی ۔فیصلہ محکمہ ایجوکیشن کی جانب سے 28دسمبرسے یکم جنوری تک ہونے والی چھٹیوں کے پیش نظر کیا گیا۔ اس تناظر میں لاہور میٹروبس سسٹم اور اورنج لائن ٹرین میں 16دسمبر سے مفت سفر کی سہولت تاحکم ثانی بند رہے گی۔

فیصلے کا اطلاق بارہویں جماعت تک کے طلبا ء و طالبات پر ہوگا۔موسم سرما کی تعطیلات کے اختتام پراس سکیم کے دوبارہ اجراء کا فیصلہ پنجاب کابینہ کرے گی۔15 ستمبر سے اب تک مفت سفری سہولت سے تقریباً18لاکھ طلباء وطالبات مستفید ہوئے۔