کراچی(این این آئی)پی ٹی آئی رہنما مظفرعلی شجرہ نے مسلم لیگ (ن)میں شمولیت اختیار کرلی ہے ۔ منگل کو نواز لیگ سندھ کے صدر بشیر میمن کی قیادت میں ایک وفد نے ان سے ملاقات کی جس میں کراچی کی سیاسی صورتحال آئندہ عام انتخابات اور پیپلزپارٹی مخالف مجوزہ اتحاد پر تبادلہ خیال کیا گیا۔ملاقات میں کھیئل داس نہال ہاشمی عثمان جنجوعہ خرم بھٹی بھی موجود تھے ۔0

وفد نے مظفرعلی شجرہ کو مسلم لیگ ن میں شمولیت کی باضابطہ دعوت دی۔مظفرعلی شجرہ پیپلزپارٹی کے ٹکٹ پر قومی و صوبائی اسمبلی کے رکن بھی رہ چکے مظفرعلی شجرہ نے ن لیگ میں شمولیت کی دعوت پر جلد جواب دینے کا عندیہ دیا لیکن بعد میں نواز لیگ کے ایک ترجمان کی جانب سے اعلان کیا گیا کہ مظفر شجرہ نے مسلم لیگ (ن) میں شمولیت اختیار کرلی ہے اور وہ بہت جلد ملیر میں اپنے حلقہ انتخاب میں ایک بڑے جلسے کا انعقاد کریں گے۔