کراچی(این این آئی)پاکستان کی معروف ٹک ٹاکرحریم شاہ کے اعلان نے سب ہی کو چونکا دیا،گو یہ عندیہ وہ پہلے بھی کئی بار دے چکی ہیں لیکن اس بار انہوں نے ایک تجویز بھی مانگی ہے، ٹک ٹاکر بہت جلد سیاست میں قدم رکھنے والی ہیں۔سماجی رابطے کی ویب سائٹ ایکس پر حریم شاہ نے اپنی پوسٹ میں مداحوں کو مخاطب کرتے ہوئے لکھا کہ مجھے اپنی سیاسی جماعت کا کیا نام رکھنا چاہئے؟اس پوسٹ کے بعد صارفین کی جانب سے متعدد تبصرے سامنے آئے۔
صارفین نے تبصروں میں حریم کو ان کی سیاسی جماعت کیلئے انوکھے اور منفرد نام تجویز کیے۔ایک صارف نے حریم شاہ کو نام تجویز کرتے ہوئے لکھا کہ لیک ویڈیوزموومنٹ پاکستان۔ایک صارف نے لکھا کہ ٹھرکیوں کی پارٹی۔ایک صارف نے تو حریم شاہ کو کسی قسم کی تجویز دینے سے ہی انکار کردیا۔ایک صارف نے مزاحیہ لکھا کہ چول پارٹی۔ایک صارف نے ان کے اس پوسٹ پرتبصرہ کرتے ہوئے وائرل جملہ لکھ ڈالا کہ جسٹ لکنگ لائک آ وائو۔اس سے قبل بھی حریم شاہ نے یہ دعوی کیا تھا کہ ان کو بھارتی شو بگ باس کی پیشکش ہوئی ہے۔
