سرگودھا(این این آئی)گھر میں پڑی جویں مار زہریلی گولیاں کھانے سے دو بہن بھائی زندگی کی بازی ہار گے جن کی اس طرح ایک ساتھ موت پر ہر آنکھ اشکبار تھی۔تفصیلات کے مطابق سرگودھا ریجن کے علاقہ بھکر کے چک 64ایم ایل میں عدنان مجید کے گھر رکھی جویں مار زہریلی گولیاں زیادہ مقدار میں نگل لینے سے دس سالہ بیٹا فہد عدنان اور آٹھ سالہ بیٹی انابیہ عدنان کی حالت غیر ہو گئی جن کو تشویشناک حالت میں ہسپتال لے جایا گیا لیکن دونوں بہن بھائی جاں بحق ہو گے جن کی اس طرح ایک ساتھ موت پر علاقہ کی فضا سوگوار اور ہر آنکھ اشکبار تھی۔