سرگودھا(این این آئی)سرگودھا میں گھر میں گھس کر 20 سالہ اوباش نوجوان نے 9 سالہ معصوم کزن کو زیادتی کا نشانہ بنا ڈالا اور حالت غیر میں چھوڑ کر فرار ہو گیا جس کو ہسپتال منتقل کر کے پولیس نے واقعہ کا مقدمہ درج کر لیا اور نامزد ملزم کو گرفتار کر کے مصروف تفتیش ہے۔ڈی پی او نے واقعہ کا نوٹس لیتے ہوئے رپورٹ طلب کر کے انوسٹیگیشن ٹیم تشکیل دے کر مقدمہ کی خود مانیٹرنگ شروع کر دی۔زرائع کے مطابق سرگودھا کے چک 190 شمالی عباس پور میں 20 سالہ اوباش نوجوان عدنان شاویز نے اپنے رشتہ دار سلیمان کے گھر داخل ہو کر اپنی 9 سالہ معصوم کزن(آ)کو برہنہ کر کے زبردستی زیادتی کا نشانہ بنا ڈالا جس کی چیخ وپکار کر اس کو حالت غیر میں چھوڑ کر فرار ہو گیا۔

جس میں متاثرہ بچی کوڈی ایچ کیو ہسپتال منتقل کر دیا گیا اور تھانہ جھال چکیاں نے بچی کے باپ کی مدعیت میں وقوعہ کامقدمہ زیر دفعہ376 ت پ درج کر کے نامزد ملزم عدنان شاویز کو گرفتار کر لیا جس کا میڈیکل کرواتے ہوئے پولیس مصروف تفتیش ہے۔اس واقعہ کا نوٹس لیتے ہوئے ڈی پی او محمد فیصل کامران نے ڈی ایس پی صدر سرکل سے رپورٹ طلب کر کے ان کی سربراہی میں انوسٹگیشن ٹیم تشکیل دی جو تمام میڈیکل شواہد اکھٹے کر رہی ہے اور مقدمہ کو ڈی پی او خود مانیٹر کر رہے ہیں جن کا کہنا ہے کہ ایسے ملزمان کے ساتھ آہنی ہاتھوں سے نمٹا جائے گا